आध्यात्मिक मुक्ति भनेको अरू केहीबाट मुक्ति होइन, आफ्नै अहङ्कारबाट मुक्ति हो । अहम्ले ग्रसित मानिस नै मायाजालमा हुन्छन् । तिनमा व्यक्तिगत अहम् त हुन्छ नै, त्यसैले दाजुभाइमै पनि काटमार हुन्छ । व्यक्तिगत अहम् जब सामूहिक बन्छ, तब झन् विकृत र जटिल हुन जान्छ । त्यसले विकराल समस्या निम्त्याउँछ । जातीय, धार्मिक आदि शोषण दमन चर्किन्छ र द्वन्द्व मच्चिन्छ ।अहङ्कार भनेको मूर्खता (मूढता) हो । मानिसमा अनेक प्रकारका मूढता हुन्छन् । कतिपय पश्चिमीले गोरो वर्ण भएकैले आफू उच्च नश्लको ठान्छन् । धेरैलाई आफ्नै धर्म म
