वैशाख २६, काठमाडौं । ग्लोबल आइएमई बैंकको स्वामित्वमा रहेको फर्स्ट माइक्रोफाइनान्स लघुवित्त वित्तीय संस्थाको ८१ हजार ५०० कित्ता संस्थापक शेयर लिलामीमा आवेदन गर्ने अन्तिम दिन आइतवार रहेको छ ।
आइतवार बैंकिङ्ग समयसम्म आवेदकले उक्त कम्पनीको शेयरमा आवेदन गर्न सक्नेछन् । न्यूनतम शेयर मूल्य प्रतिकित्ता रू. ३०० राखेको हुनाले सो वा सोभन्दा बढी मूल्य कायम गरी बोलपत्र पेश गर्नुपर्नेछ ।
शेयर खरीदका लागि विद्यमान संस्थापकहरु वा जो कोही व्यक्ति, कम्पनी संघ संस्थाहरुले आवेदन दिन सक्नेछन् ।
आवेदकले न्यूनतम १०० कित्ता र अधिकतम सम्पूर्ण कित्ताका लागि आवेदन सक्नेछन । विक्री प्रबन्धकको कार्यालय ग्लोबल आईएमई क्यापिटल नक्सालमा आइपुग्ने गरी बोलपत्र पेश गर्नुपर्नेछ ।कम्पनीले उक्त शेयर गत चैत २३ गतेदेखि लिलामीमा ल्याएको थियो ।
