सुन्दरको विद्युतीय सवारी एसेम्बलिङ प्लान्ट स्थापनाका लागि टेन्डर आह्वान

काठमाडौं (अस) । बुटवलको सैनामैना नगरपालिकासँग जग्गा लिजमा लिई नेपालमै विद्युतीय गाडी एसेम्बिलिङको तयारी गरिरहेको सुन्दर यातायात प्रालिअन्तर्गतको सुन्दर अटो इन्जिनीयरिङले प्रक्रिया अघि बढाएको छ । कम्पनीले प्लान्टका लागि आवश्यक भवनसहित सबै संरचना निर्माणका लागि टेन्डर आ≈वान गरेको छ । सुन्दरले प्लान्ट स्थापनाका लागि नगरपालिकाबाट ८ बिगाहा १० कट्ठा जग्गा भाडामा लिएको छ । जग्गा उपलब्धताका लागि कम्पनीले निवेदन दिएकोमा नगरपालिकाले गत असार १६ गतेको नगरसभाबाट सुन्दरलाई प्लान्ट स्थापनाका लागि नगरपालिकाभित्रको सरकारी जग्गा भाडामा दिने निर्णय गरेको थियो । कम्पनीले आगामी १० सेप्टेम्बरसम्म टेन्डर हाल्ने समायवधि तोकेको छ । उक्त अवधिभित्र निर्माण क्षेत्रमा संलग्न जुनसुकै कम्पनीले टेन्डर हाल्न सक्ने कम्पनीका अध्यक्ष भेषबहादुर थापाले बताए । नेपालमा पहिलोपटक विद्युतीय बस सञ्चालन गरेको कम्पनीले आगामी १ वर्षभित्र एसेम्बिलिङ प्लान्ट स्थापना गरी त्यसको एक वर्षभित्र नेपालमै एसेम्बिलिङ गरिएका गाडी सार्वजनिक गर्ने लक्ष्य लिएको छ । कम्पनीले २०७६ मंसिरमा चीनको सिचुआन गुहाङ अटोमोबाइल र यूएईको सेक ग्रूपसँग लगानीका लागि सहमति गरेको थियो । तर, कोभिड महामारीका कारण काम अघि बढ्न नसकेको कम्पनीको भनाइ छ । यी दुई कम्पनीबीच लगानीका लागि सम्झौता भइसकेको बताउँदै कम्पनीका अध्यक्ष थापाले करीब रू. ३ अर्ब ६० करोड शुरुआती लगानीसहित एसेम्बलिङ प्लान्ट स्थापना गर्न लागिएको जानकारी दिए । नेपालको तर्फबाट कम्पनीको लगानी भने एकदमै न्यून रहनेछ । सुन्दर भगिनी संस्थाका रूपमा रहने भए पनि उद्योगमा सिचुआनको ४७ र सेकको ४६ प्रतिशत लगानी रहनेछ । कम्पनीका अध्यक्ष थापाले सुन्दरको तर्फबाट प्लान्टमा केबल ७ प्रतिशत लगानी रहने जानकारी दिए । कम्पनीले पहिलो वर्ष १ सयओटा गाडी एसेम्बल गर्ने तयारी गरेकोमा त्यसपछि लगानी थप्दै दोस्रो वर्ष ३ सय र तेस्रो वर्ष वार्षिक १ हजार गाडी एसेम्बल गर्ने तयारी गरेको कम्पनीका अध्यक्ष थापाले बताए । नगरपालिकाले वार्षिक ६ लाख भाडामा कम्पनीलाई नगरपालिकाभित्रको खाली सरकारी जग्गा उपलब्ध गराएको हो । यसबाहेक पहिलो वर्ष एम्बुलेन्स, दोस्रो वर्ष फोहोर बोक्ने गाडी र हरेक वर्ष स्थानीय एक सामुदायिक विद्यालयलाई ३३ प्रतिशत छूटमा बस उपलब्ध गराउने सम्झौता नगरपालिकाले कम्पनीसँग गरेको छ ।

सम्बन्धित सामग्री

विद्युतीय सवारी साधनको प्रयोग प्राथमिकतामा परेन

नेपाल सरकारले भारत, चीन र बंगलादेशलाई बिजुली बेच्ने रणनीति अपनाएको भए तापनि त्यति भरपर्दो नहोला कि भन्ने आशंका कायमै छ । विद्युतीय रेल, बसलगायतका यातायातका साधनको प्रयोगबारे सरकारी गैरसरकारी क्षेत्रमा चर्चा र बहस हुन थाल्नु सकारात्मक हो । ठूला कुरा र सपना बाँड्ने तर कार्यान्वयनमा उदासीनता देखाउने नेपाली राजनीतिको संस्कार नै बनेको अनुभवमा विद्युतीय सवारी […]

स्मार्टफोन कम्पनीहरु विद्युतीय सवारी बनाउने तयारीमा

पछिल्लो समय धेरै स्मार्टफोन कम्पनीहरु विद्युतीय सवारी बनाउने तयारीमा छन्।

विद्युतीय सवारी साधन प्रयोग गर्न मन्त्री भुसालको आह्वान

ऊर्जा, जलस्रोत तथा सिँचाइ मन्त्री पम्फा भुसालले विद्युतीय सवारी साधन प्रयोग गर्न आह्वान गरेकी छन्।

मुलकोटमा दिगोको विद्युतीय सवारी चार्जिङ स्टेशन

काठमाडौं । विद्युतीय सवारी दिगोका लागि दिगो ग्रुप अफ कम्पनीले सुनकोसी गाउँपालिकाको मुल कोटमा चार्जिङ स्टेशन संचालनमा ल्याएको छ । दिगोले आफ्नो चार्जिङ स्टेशनलाई ‘दिगो चार्ज प्वाइन्ट’ ब्रान्ड नाम दिएको छ । अहिले मुलकोटमा ३० किलोवाट क्षमताको डिसी फास्ट चार्जर जडान गरिएको छ । यो चार्जरले बिपी राजमार्गमा चल्ने विद्युतीय सवारी साधनलाई सेवा दिनेछ । उक्त रुटमा विद्युतीय सवारी साधनको चाप बढेपछि चार्जरको क्षमता बढाउन सकिने कम्पनीले जनाएको छ । स्टेशन उद्घाटन कार्यक्रममा सुनकोशी गाउँपा

‘विद्युतीय सवारी साधनको महत्व बढिरहेको छ’

सरकारी र गैरसरकारी संस्थाका प्रतिनिधि, यातायात व्यवसायी, वातावरणका क्षेत्रमा कार्यरतलगायतले नेपालमा विद्युतीय सवारी साधनको महत्व बढ्दै गएको बताएका छन् । नेपालमा पहिलोपटक विद्युतीय बस सञ्चालन गरेको सुन्दर यातायात प्रालिको तेस्रो वार्षिकोत्सवका अवसरमा उहाँहरुले नेपालमा विद्युत् उत्पादन बढिरहेकाले र वायु प्रदूषण बढेर त्यो कम गर्न विद्युतीय सवारी साधनको प्रयोग...

विद्युतीय सवारी निर्माणको लक्ष्य बोकेको ‘यात्री’

यात्रीका संस्थापक अशिम पाण्डेका अनुसार नेपालमा विद्युतीय सवारी निर्माण र सञ्चालनको निकै खाँचो छ। नेपालमा यतिबेला विभिन्न अन्तर्राष्ट्रिय ब्रान्डहरूले पनि विद्युतीय सवारी आयातमा सकारात्मक चासो देखाइरहेको छ।

विद्युतीय सवारी विशेष प्राथमिकतामा, उत्पादनका लागि आह्वान गरिने

सरकारले विद्युतीय सवारी साधनको उपयोगका लागि विशेष व्यवस्था गरेको छ । पेट्रोलियम पदार्थको अत्यधिक आयात रोक्न र विद्युत् उपभोग बढाउने गरी सरकारले यो योजना ल्याएको

विद्युतीय सवारी सस्तो हुने

काठमाडौं, १५ जेठ । सरकारले २०८८ सालभित्र पेट्रोलियम पद्धार्थबाट सञ्चालन हुने सवारीसाधन विस्थापनको महत्वाकांक्षी योजना ल्याएको छ । आज बजेट भाषणमा अर्थमन्त्री विष्णु पौडेलले योजना सार्वजनिक गरेका हुन् । पेट्रोलियम पद्धार्थबाट सञ्चालन हुने सवारीसाधनको ठाउँमा विद्युतीय सवारीलाई प्रोत्साहन गर्ने योजना समेत ल्याइएको छ । त्यसका लागि विद्युतीय सवारीसाधानलाई सहुलियत दिने घोषणा भएको छ । विद्युतीय […]

बागमती प्रदेश मन्त्रिपरिषद् बैठकः विद्युतीय सवारी सम्बन्धी राजश्व २०७८ स्वीकृत

मकवानपुर । बागमती प्रदेश मुख्यमन्त्री तथा मन्त्रिपरिषद्को बैठकले विद्युतीय सवारी सम्बन्धी राजश्व २०७८ लाई स्वीकृति प्रदान गर्ने निर्णय गरेको छ ।  मुख्यमन्त्री डोरमणि पौडेलको अध्यक्षतामा सोमबार बसेको बैठकले प्रदेशको प्रदेशको अस्पतालहरुमा आइसियु, भेन्टिलेटर, स्थापनाको लागि चाँडै बजेट उपलब्ध गराउने समेत निर्णय गरेको प्रदेश सरकार प्रवक्ता एवम् आर्थिक मामिला तथा योजनामन्त्री कैलाशप्रसाद ढुंगेलले जानकारी दिए । प्रदेशका जिल्ला अस्पतालहरुमा आइसियु कक्ष र भेन्टिलेटर कक्ष स्थापनाको लागि उच्च प्र