काठमाडौं । नेपाल कम्युनिष्ट पार्टी (मसाल) का महामन्त्री मोहनविक्रम सिंहले दिवंगत नेता गोपाल गिरीको पार्थिव शरीरमा पार्टीको झण्डा ओढाएर अन्तिम श्रद्धाञ्जली अर्पण गर्नुभएको छ ।
काठमाडौंको ह्याम्स अस्पताल प्रांगणमा महामन्त्री सिंहले झण्डा ओढाएर श्रद्धाञ्जली अर्पण गर्नुभएको हो ।
त्यसक्रममा नेकपा (मसाल) का प्रवक्ता रामप्रकाश पुरी, राष्ट्रिय जनमोर्चाका महासचिव जनकराज शर्मा, पूर्व सचिव कृष्ण अधिकारी, अखिल (छैठौं) का अध्यक्ष विमल पाखरेल, युगदर्शनका व्यवस्थापक हरिकान्त शर्मा, अखिल नेपाल जनजाति सम्मेलनका पूर्व महासचिव रामबहादुर बुढा, अखिल नेपाल बुद्धिजीवी सङ्घका महासचिव भरतमणि भण्डारी, रक्तिम सांस्कृतिक अभियानका केन्द्रीय सल्लाहकार मधु क्षेत्री, जापान नेपार्ली एकता समाजका तुफान केसीलगायतका नेताहरुले गिरीप्रति अन्तिम श्रद्धाञ्जली अर्पण गर्नुभयो ।
नेता गिरीको आइतबार साँझ ह्याम्स अस्पतालमा निधन भएको हो । केही समय अघि मुटुको एन्जिओग्रापी गरिएका उहाँ निमोनिया र दमबाट पीडित हुनुहुन्थ्यो । सोही अवस्थामा कोरोना संक्रमण पनि भएको थियो ।
नवलपरासीको गैँडाकोट निवासी उहाँको शव अन्तिम संस्कारका लागि काठमाडौँबाट बिहान ११ बजे नारायणघाट लगिएको छ ।
यो पनि :
बुद्धिजीवी संघद्वारा नेता गिरीप्रति श्रद्धाञ्जली
गोपाल गिरीको निधनप्रति राजमो अध्यक्ष केसीद्वारा दुःख व्यक्त
बुद्धिजीवी नेता गोपाल गिरी रहनुभएन
बुद्धिजीवी नेता गोपाल गिरीको ह्याम्स अस्पतालमा उपचार हुँदै
