पर्वत : मंगलवार विहान मौसममा एकाएक आएको परिवर्तनले किसान खुशी हुँदै थिए। हिउँदमा वर्षा नभई गर्मी शुरु हुन लागे जस्तैगरी सोमवार तापक्रम बढेको आभाष हुन्थ्यो। सिँचाइ अभावले खेतमा लगाएको बाली यत्तिकै ठिम्रिएर बसेको वेला अब मकै छर्ने समय हुनै लागिसकेको छ।मकै छर्ने वेला हुनलाग्दासमेत अहिलेसम्म खेत पनि जोतिएको छैन। कात्तिक मंसिरमा धान थन्क्याएलगत्तै हुने वर्षापछि खेतका बाँझा गरा खनजोत गरेर मकै खेतीका लागि तयार पारेर राख्नुपर्ने हो। कतिपय किसानले पटपटी सुकेका बाँझा गरा जबरजस्ती जोतेरै भए पनि मकै छर
