असोज १८, काठमाडौं । लुम्बिनी विकास बैंकले संस्थापक शेयर विक्री गर्ने भएको छ ।
कम्पनीले सोमवार एक सूचना जारी गर्दै कम्पनीका संस्थापक शेयरधनीहरुको नाममा रहेको ४६ हजार १०९ कित्ता संस्थापक शेयर विक्री गर्ने जानकारी गराएको हो ।
उक्त शेयर खरीद गर्न इच्छुक यस कम्पनीका विद्यमान संस्थापकले यो सूचना प्रकाशित गरेको आजको मितिले ३५ दिनभित्र सो सम्बन्धि विवरण खुलाई कम्पनीको मुख्य कार्यालय डिल्लीबजार, काठमाडौंमा आइपुग्ने गरी निवेदन दिन अनुरोध गरेको छ ।
उक्त समय अवधिमा संस्थापक शेयरधनीबाट शेयर खरीद गर्न निवेदन नआएमा बैंक तथा वित्तीय संस्था सम्बन्धी ऐन २०७३, अन्य प्रचलित कानून र नेपाल राष्ट्र बैंकको जारी निर्देशनको अधिनमा रहि अन्य व्यक्ति, संस्थालाई उक्त संस्थापक शेयर विक्री प्रक्रिया अगाडी बढाउने कम्पनीले जानकारी गराएको हो ।
