काठमाडौं (अस) । बैंक अफ काठमाण्डू लिमिटेडको डेबिट तथा क्रेडिट कार्डवाहकले सस्तोडिलको सुपर डे योजनामा ३ हजारसम्म छुट पाउने भएका छन् । पछिल्लो समय ग्राहकमा प्रविधिको प्रयोग गरी अनलाइनमार्फत विभिन्न सामान खरिद गर्ने बानी बढेको छ । यस्तोमा बैंकले आफ्ना कार्डवाहकलाई प्रविधिको प्रयोगमा उत्प्रेरित गर्न यो योजना ल्याएको हो । सस्तोडिलले सुपर डे योजना डिसेम्बर १५ देखि १७ तारिखसम्म सञ्चालन गर्न लागेको छ । यसअन्र्तगत सस्तो डिलको सुपर डे योजनामा बैंकको कार्डवाहकले डेबिट तथा क्रेडिट कार्ड प्रयोग गरी अनलाइन माध्यमबाट प्रिपेमेन्ट गर्दा १५ प्रतिशत वा अधिकतम ३ हजारसम्मको छुट सुविधा पाउन सक्नेछन् ।
