स्थानीय तहले राजस्व सुधार कार्ययोजना नबनाउँदा आन्तरिक स्रोतको राजस्व (ओएसआर) प्रभावित बनेको छ । स्थानीय सरकार सञ्चालन ऐनअनुसार राजस्व सुधार कार्ययोजना बनाउनुपर्ने अनिवार्य भएपनि अधिकांश स्थानीय तहले बनाएका छैनन् । कार्ययोजना नहुँदा स्थानीय तहले आन्तरिक रूपमा आर्जन गर्ने राजस्व संकलन अति न्यून रूपमा भइरहेको पाइएको छ । नेपाल सरकारको तथ्यांक अुनसार आर्थिक वर्ष २०७४-७५ सम्म स्थानीय तहको आम्दानीमा आन्तरिक स्रोतको राजस्वको योगदान ५.६६ प्रतिशतमात्र रहेको उल्लेख छ ।
