एजेन्सी। युरोकप फुटबलअन्तर्गत आज हुने अन्तिम क्वाटरफाइनलमा इंग्ल्यान्ड र युक्रेनबीच प्रतिस्पर्धा हुँदैछ। इटालीको इस्टाडियो ओलम्पिको रंगशाला रोममा हुने खेल नेपाली समयअनुसार राती १२ः४५ बजेबाट सुरु हुँदैछ। यी दुई टोलीबीच हालसम्म सातपटक प्रतिस्पर्धा भएको छ। जसमा इंग्ल्यान्डले ४ खेल जित्दा युक्रेनले १खेल जितेको छ। दुई टोलीबीचको २ खेल बराबरीमा सकिएको छ। अन्तिम १६मा इंग्ल्यान्डले जर्मनीलाई र युक्रेनले स्विडेनलाई पराजित गरेको थियो।
