स्पेनिस ला लिगामा सेभियाले शीर्ष टोली रियल म्याड्रिडलाई पछ्याउने क्रम जारी राखेको छ । घरेलु मैदानमा शुक्रवार राति भएको खेलमा सेभियाले इल्चेलाई २–० गोलले हरायो ।
जितसँगै दोस्रो स्थानमा रहेको सेभियाले रियलसँगको दूरी तीन अंकले घटाएको छ ।
सेभियाको जितमा अलेसान्द्रो गोमेज र राफा मिरले गोल गरे । पाहुना टोलीलाई खेलभर दबाबमा राखे पनि सेभियाले दुवै गोल दोस्रो हाफमा गरेको थियो ।
७०औं मिनेटमा अलेसान्द्रो गोमेजले गोल गर्दै घरेलु टोलीलाई अग्रता दिलाए । त्यसपछि ७५औं मिनेटमा अतिरिक्त खेलाडी राफा मिरल...
