काठमाडौं : सरकारको कानुनी सल्लाहकार महान्यायाधिवक्तामा दिनमणि पोखरेल नियुक्त भएका छन्।प्रधानमन्त्री पुष्पकमल दाहाल प्रचण्डको सिफारिशमा राष्ट्रपति विद्यादेवी भण्डारीले पोखरेललाई आज महान्यायाधिवक्तामा नियुक्त गरेको राष्ट्रपतिको कार्यालयले जनाएको छ।संविधानको धारा १५७ को उपधारा २ बमोजिम राष्ट्रपतिले पोखरेललाई नियुक्त गरेकी हुन्। यसअघिका महान्यायाधिवक्ता खम्बबहादुर खातीले पदबाट राजीनामा दिएपछि पोखरेल महान्यायाधिवक्ता नियुक्त भएका हुन्।