भारतमा मारुती सुजुकी ब्रेजा CNG लन्च, मूल्य- ९.१४ लाख भारु, माइलेज- २५.५१ किलोमिटर

काठमाडौं । भारतीय कार निर्माता मारुती सुजुकीले SUV सेग्मेट ब्रेजा सीएनजी सार्वजनिक गरेको छ । योसँगै मारुतीले आफ्नो CNG पोर्टफोलियोमा अर्को गाडी थपेको हो । मारुती ब्रेजा सीएनजी यस वर्ष जनवरीमा अटो एक्सपोमा अनावरण गरिएको थियो । अब यो भारतीय अटो बजारमा लन्च गरिएको छ । ब्रेजा सीएनजीमा इलेक्ट्रिक सनरुफ, क्रुज कन्ट्रोल, वायरलेस एप्पल कारप्ले र एन्ड्रोइड अटोसहितको स्मार्टप्ले, प्रो इन्फोटेनमेन्ट प्रणाली र की-लेस पुश स्टार्ट जस्ता सुविधाहरू रहेको कम्पनीले जानकारी दिएको छ । यसको सुविधाभन्दा पनि मूल्यले ग्राहकलाई आकर्षित गरेको कम्पनीको दाबी छ । मारुती सुजुकीले ब्रेजा सीएनजी अनावरण गरेको करिब डेढ महिनापछि सार्वजनिक गरेको हो । योसँगै मारुतीको सीएनजी पोर्टफोलियोमा १४ सीएनजी कार समावेश भएका छन् । मारुतीले यो ब्रेजा CNG SUV कारको प्रारम्भिक मूल्य ९.१४ लाख भारतीय रुपैयाँ (१४ लाख ६२ हजार नेपाली रुपैयाँ) तोकेको छ । ब्रेजा सीएनजी  परक मूल्य सेग्मेन्टमा चार भेरियन्ट लन्च गरिएको छ । भारतीय बजारमा मारुती सुजुकी ब्रेजा सीएनजी भेरियन्टको LXi S-CNG को मूल्य ९.१४ लाख भारु, VXi S-CNG को मूल्य १०.४९ लाख भारु, ZXi S-CNG को मूल्य ११.८९ लाख भारु, ZXi S-CNG डुअल र टोनको मूल्य १२.०५ लाख भारु छ। ब्रेजा CNG ले २५.५१ किमि माइलेज दिने दाबी ब्रेजा S-CNG K-Series को १.५ ली. डुअल जेट र डुअल VVT इन्जिन जडित छ । जसको अधिकतम पावर आउटपुट ६४.६ किलोवाट छ भने ५५०० आरपीएम र १२१.५ एनएमको पिक टर्क छ । मारुती सुजुकी ब्रेजा सीएनजीको माइलेज २५.५१ किलोमिटर छ । ब्रेजा S-CNG 5-स्पीड म्यानुअल ट्रान्समिसनसँग जोडिएको छ । यसमा मारुती सुजुकीको आफ्नै फ्याक्ट्री फिटेड एस–सीएनजी प्रविधि दिइएको छ । CNG ड्राइभ मोड र इन्धन गेजको सुविधा मारुती सुजुकी ब्रेजा सीएनजी ग्राहकहरूलाई पर्यावरण अनुकूल मोटरिङ अनुभव प्रदान गर्न डिजाइन गरिएको छ । ब्रेजा CNG मा, मारुतीले विद्युतीय सनरुफबाहेक क्रुज कन्ट्रोल, वायरलेस एप्पल कारप्ले र एन्ड्रोइड अटो सहितको स्मार्टप्ले प्रो इन्फोटेनमेन्ट प्रणाली प्रदान गरेको छ, जहाँ किलेस पुश स्टार्ट सुविधा, सीएनजी ड्राइभ मोड, डिजिटल र एनालग सीएनजी फ्युल गेजको सुविधा उपलब्ध गराइएको छ ।