असोज १९, काठमाडौं । आइएमई जनरल इन्स्योरेन्स कम्पनीले हकप्रद शेयर निष्कासन गर्नका लागि इक्रा नेपालमा रेटिङ गराएको छ ।
कम्पनीले १० : ४ अनुपातमा अर्थात् ४० प्रतिशत हकप्रद शेयर निष्कासन गर्नका लागि रेटिङ गराएको हो । कम्पनीले निष्कासन गर्ने हकप्रद शेयरलाई इक्रा नेपालले इक्राएनपीआई आर ट्रिपल बी रेटिङ प्रदान गरेको छ ।
यस्तो रेटिङले कम्पनीले वित्तीय दायित्वहरु समयमा पुरा गर्ने खण्डमा सुरक्षित रहेको देखाउँछ । कम्पनीले ४६ लाख ३० हजार ३४४ कित्ता हकप्रद शेयर निष्कासन गर्नका लागि नियामक निकाय नेपाल धितोपत्र बोर्डमा निवेदन दिइसकेको छ ।
विक्री प्रबन्धकमा ग्लोबल आइएमई क्यापिटल लिमिटेड रहेको छ । आवश्यक प्रक्रिया पुरा गरेर नियामक निकाय नेपाल धितोपत्र बोर्डबाट स्वीकृती पाएपछि उक्त हकप्रद शेयर निष्कासन गर्नेछ ।
हाल कम्पनीको चुक्तापूँजी रू. १ अर्ब १५ करोड रहेको छ । हकप्रद शेयर निष्कासन पछि कम्पनीको पूँजी रू. १ अर्ब ६२ करोड पुग्नेछ ।
