भारतमा पछिल्लो चौबीस घण्टामा दुई लाख ६१ हजारभन्दा बढी कोरोनाभाइरसका सङ्क्रमितको पहिचान गरिएको छ । भारतमा कोरोनाभाइरसका सङ्क्रमित हुने दैनिक वृद्धि हुँदा एकैदिन थपिने नयाँ सङ्क्रमित हालसम्मकै उच्च भएको छ ।
भारतीय सञ्चारमाध्यमहरुका अनुसार पछिल्लो चौबीस घण्टामा दुई लाख ६१ हजार नयाँ सङ्क्रमित थपिएका छन् । शुक्रबार चौबीस घण्टामा दुई लाख ३४ हजार सङ्क्रमित थपिएका थिए । भारतमा हालसम्म एक करोड ४७ लाखभन्दा बढी सङ्क्रमित भएका छन् । पछिल्लो चौबीस घण्टामा भारतमा एक हजार ५०१ जना सङ्क्रमितको मृत्यु भएको छ । हालसम्म भारतमा कोरोनाभाइरसबाट मृत्यु हुने एक लाख ७७ हजार १५० पुगेको छ ।
