भारतबाट आएका व्यक्तिहरूको व्यवस्थापनसँगै कोरोना नियन्त्रणमा सक्रिय रहेका साँफेबगर नगरपालिकाका एक वडा अध्यक्षमा समेत कोरोना पुष्टि भएको छ । साँफेबगर नगरपालिका एक वडा अध्यक्षलाई कोरोना सङ्क्रमण पुष्टि भएको हो । असार ५ गते स्वाब सङ्कलन गरेर सेती प्रादेशिक अस्पताल धनगढी पठाइएकोमा मङ्गलबार प्राप्त रिपोर्टमा वडा अध्यक्षसहित १८ जनामा कोरोना सङ्क्रमण पुष्टि भएको बताइएको छ । स्वाब सङ्कलनको अघिल्लो दिन वडासभा, असार १० गतेको नगरसभा र वडामा मङ्गलबार दिउँसोसम्म सक्रिय रहेको भए पनि हाल वडामै रहेको विद्यालयको आइसोलेसन कक्षमा बस्नुभएकाे वडा अध्यक्षले जानकारी दिनुभयो ।
