काठमाडौं । नेपाल इन्फ्रास्ट्रक्चर बैंक लिमिटेड (निफ्रा) ले मङ्सिर २९ गतेदेखि पुस १४ गतेसम्म विक्री गरेको उर्जा ऋणपत्र धितोपत्र दोस्रो बजारमा सूचीकृत गराएको छ । बैंकले सातवर्षे अवधिको ‘निफ्रा उर्जा ऋणपत्र ७ प्रतिशत २०८५/८६’ नामको ऋणपत्र विक्रीपश्चात् पुस २१ गते बाँडफाँट गरेको थियो ।
बैंकले कुल २२ लाख ८९ हजार ८१३ कित्ता ऋणपत्र फागुन ११ गते धितोपत्र दोस्रो बजारमा सूचीकृत गराएको हो । निफ्रायूआर ८५/८६ स्टक सिम्बोलमार्फत सूचीकृत बैंकको ऋणपत्र आइतवारदेखि कारोबारयोग्य हुनेछ ।
सात वर्षमा परिपक्व हुने यो ऋणपत्रमा आर्जित ब्याज रकम प्रत्येक आर्थिक वर्षको प्रथम अर्द्धवार्षिक र दोस्रो अर्द्धवार्षिक समाप्त भएपश्चात् कर कट्टा गरी भुक्तानी गरिने बैंकको भनाइ छ ।
