नेपाल कम्युनिष्ट पार्टी ९नेकपा० का सचिवालय सदस्य तथा गृहमन्त्री रामबहादुर थापा ‘बादल’ले नेकपा विभाजनले प्रतिगामी शक्तिहरु उत्साहित भएको बताउनुभएको छ । उनीहरु पुनः आफ्नो दिन आयो भनेर रमाइरहेको चर्चा गर्नुभयो ।
नेकपा काठमाडौंद्वारा शनिबार यहाँ आयोजित वृहत कार्यकर्ता भेलामा बोल्दै गृहमन्त्री बादलले सो कुरा बताउनुभयो । आगामी निर्वाचनबाटै कम्युनिष्ट आन्दोलन एकीकृत हुनेमा उहाँले विश्वास व्यक्त गर्नुभयो । पार्टीले उठाएको अहिलेको कदम सही छ, यसैबाट देश र जनताको हित हुन्छ उहाँले भन्नुभयो । मध्यावधि निर्वाचन आन्दोलन भएको चर्चा गर्नुहुँदै उहाँले निर्वाचनबाटै प्रतिगामी शक्तिलाई परास्त गरिने बताउनुभयो ।
नेकपाको नेतृत्वमा नै राजनीतिक स्थायित्व कायम गर्नमै ध्यान दिनुपर्ने बताउनुहुँदै नेता बादलले भन्नुभयो, “विभाजित कम्युनिष्ट आन्दोलनलाई जनतामाझ गएर पुनः एकीकृत गर्नेछौं, त्यहीबाटै राजनीतिक स्थायित्व कायम गर्नेछौं ।” राजनीतिक स्थायित्वका लागि र अग्रगमनका लागि निर्वाचनमा जानु आवश्यक रहेको बताउनुहुँदै नेता बादलले आगामी चुनावबाट नेकपाले बहुमत ल्याएर स्थायी सरकार बनाउने बताउनुभयो ।
प्रतिगमनको खतरा पुनः मदारिएकाले त्यसलाई जनताको सहयोगले मात्र परास्त गर्न सकिने बताउनुभयो । मध्यावधि निर्वाचनमा गएर त्यसको समाधान सम्भव भएको बताउनुभयो । पुरानो संसद पुनस्र्थापना गरेर मुलुकको समस्या समाधान नहुने भन्नुहुँदै उहाँले नयाँ निर्वाचनबाटै नयाँ संसदको गठन समस्याको समाधान भएको तर्क गर्नुभयो ।
कम्युनिष्ट आन्दोलनमा फुट आउनु भनेको अ
