काठमाडौं। प्रधानमन्त्री केपी शर्मा ओली र नेता माधवकुमार नेपालबीच सुरु भएको वार्तालाई निकै महत्त्वका साथ हेरिएको छ। प्रधानमन्त्री र नेपालबीच वार्ता सुरु भएसँगै सबैका ध्यान तानेको छ। आजै स्थायी कमिटीको निणर्यले नेपाल सहित चार नेतामाथि गरिएको कारबाही फिर्ता गरेसँगै छलफलको वातावरण बनेको हो। अझै नेपाल समूहले भने २०७५ जेठ २ कै अवस्थामा फर्किएर पार्टीलाई अघि बढाउनुपर्ने माग राख्दै आएको छ।
