वैशाख २, काठमाडौं । प्रधानमन्त्री केपी शर्मा ओलीले माथिल्लो तामाकोशी जलविद्युत् आयोजना निर्माणमा भएको ढिलासुस्ती भइरहेको बताउनुभएको छ ।
नापी विभागद्वारा आयोजित कार्यक्रममा बिहीवार उहाँले माथिल्लो तामाकोशी जलविद्युत आयोजनामा अस्वभाविक ढिला सुस्ती भएको भन्दै अव मान्य नहुने बताउनुभएको हो ।
‘अत्यन्तै अस्वभाविक ढंगले अपर तामाकोशको काममा ढिलाइ गरिएको छ । मैले यसप्रति चासो, रुचि बढाउनुपर्ने देखेको छु । त्यो ढिलासुस्ती अस्वभाविक छ,’ प्रधानमन्त्री ओलीले भन्नुभयो, ‘तीन वर्षदेखि म एउटै कुरा सुनेको छु, एउटा सानो मेसिन जडान गर्न छ । त्यति राख्न दिनमा प्रत्यक्ष ५ करोड रुपैयाँ नोक्सान भइराखेको छ, परोक्षभन्दा दैनिक १३ करोड रुपैयाँ नोक्सान भइरहेको छ । यो ढिलासुस्ती हो वा अरु केही हो हेर्न पर्ने भएको छ । यस्तो ढिलासुस्ती अब मान्य हुँदैन ।’
