गायक अर्जुन बोसेलको नयाँ गीत ‘याद’ सार्वजनिक भएको छ । एक्लो र दुखी हुँदाको पिडालाई समेटेर तयार पारिएको गीतमा स्वयम गायक बोसेलको शब्द, संगीत छ । कृष्ण विक (भान्जा) ले संगीत संयोजन गरेको गतिको भिडियोमा गायक प्रकाश सपुत र जुना सुन्दास देखिएका छन् । नवराज उप्रेतीको छायाङ्कन रहेको भिडियो मनोज कार्कीले सम्पादन गरेका हुन् । भिडियोमा देवेन्द्र बब्लुको निर्देशन रहेको छ । गायक बोसेलको केहीअघि सार्वजनिक ‘गोठालो’ गीत दर्शकले रुचाएका थिए ।
