जनता समाजवादी पार्टी नेपालले प्रतिनिधिसभामा नवनिर्वाचित सांसदलाई सम्मान तथा स्वागत गरेको छ । जसपाले एक कार्यक्रमको आयोजना गरी उनीहरूलाई सम्मान तथा स्वागत गरेको हो । जसपासँग प्रत्यक्षमा सात र समानुपातिकबाट पाँचसहित १२ सांसद रहेका छन् ।सांसदहरुको सम्मानपछि जसपा संसदीय दलको बैठक पनि बसेको छ । संसदीय दलको नेता चयनलगायत अन्य समसामयिक विषयमा छलफल भइरहेको बैठकमा सहभागी एक नेताले बताए ।
