सत्तारुढ दल नेपाली काँग्रेसको १४ औं केन्द्रीय महाधिवेशनको प्रदेश अधिवेशन तथा केन्द्रीय महाधिवेशनको कार्यतालिका सोमबार साँझ प्रकाशन भएको छ ।
काँग्रेस केन्द्रीय निर्वाचन समितिका सचिव जगन्नाथ श्रेष्ठका अनुसार मंसिर २४ गते १४ औं केन्द्रीय महाधिवेशन उद्घाटन हुने जनाइएको छ । केन्द्रीय महाधिवेशनको उम्मेदवारले मंसिर २५ गते बिहान १० देखि साँझ ५ बजेसम्म मनोनयन दर्ता गर्ने कार्यतालिका तय भएको छ । मंसिर २६ गते मनोनयन पत्रमाथि पर्ने दाबी, विरोध दर्ता, मनोनयन फिर्ता एवम् उम्मेदवारको अन्तिम नामावली प्रकाशन गर्ने समितिले जनाएको छ । मंसिर २७ गते बिहान ८ बजेदेखि मतदान सुरु हुनेछ ।
