पछिल्लो ८ महिनामा बजार महँगी अर्थात् उपभोक्ता मुद्रास्फीतिले लक्षित सीमा नाघेको छ । चालु आर्थिक वर्षका लागि मौद्रिक नीतिले उपभोक्ता मुद्रास्फीतिको अन्तिम सीमा वार्षिक विन्दुगत आधारमा अधिकतम ६.५ प्रतिशत राखेको थियो । तर, ८ औं महिनामा मौद्रिक नीतिको लक्षित अन्तिम सीमा क्रस गर्दै उपभोक्ता मुद्रास्फीति ७ प्रतिशत माथि गएको हो । नेपाल राष्ट्र बैंकका अनुसार पछिल्लो ८ महिना (साउनदेखि फागुनसम्म) उपभोक्ता मुद्रास्फीति अधिकतम ७.१४ प्रतिशत पुगेको छ । यस्तो मुद्रास्फीति अघिल्लो महिना (माघसम्म) ५.९७ प्रत
