मानिस दुईवटा मिर्गौला लिएर जन्मन्छ । अधिकतम सबैजना दुईवटा मिर्गौला लिएरै जन्मन्छन् । कोही कोही एउटा मिर्गाैला लिएर पनि जन्मन्छन् । तर एउटा मिर्गौला पनि बलियो र स्वस्थ रह्यो भने पूरा जीवन पनि धान्न सक्छ । हाम्रो जीवनशैलीले कहिलेकाहीं मिर्गौला बिगारिदिन्छ । जीवनशैली ठीक भए पनि मिर्गौलामा रोग आउँछ । उच्च रक्तचाप, मधुमेह, दुखाई कम गर्ने औषधिले देखिने प्रभाव मिर्गौलामा पर्छ । तर सबैभन्दा ठूलो कुरा मिर्गौलामा प्रभाव परिरहेको छ तर मान्छेले केही पनि थाहा पाउँदैनन् । त्यसैले बिरामी जहिले पनि अन्तिम अवस्थामा अस्पतालमा आउँछ । बिरामीको सङ्ख्या बढेको देखिनुमा एउटै मात्र कारण छ ।
