सप्तरीमा कोरोना सङ्क्रमणमाथि विजय प्राप्त गर्नेको सङ्ख्या बढ्दै जाँदा आइसोलेसन केन्द्रमा बिरामीको सङ्ख्या पनि घट्दैगएको छ । राजविराजस्थित कोभिड-१९ सङ्क्रमितको लागि सञ्चालनमा रहेको आइसोलेसन केन्द्रमा १५८ जनामध्ये हालसम्म ७१ जना निको भएर डिस्चार्ज भई घर फर्किसकेको स्वास्थ्य कार्यालय, सप्तरीले जनाएको छ । गजेन्द्र नारायण सिंह अस्पताल राजविराजका निमित्त मेडिकल सुपरिटेन्डेन्ट तथा कोभिड–१९ कोरोना भाइरस व्यवस्थापन समितिका संयोजक डा. रणजितकुमार झाले आइसोलेसनमा १५८ जना सङ्क्रमित भर्ना भएकोमध्ये हाल ८७ जना मात्र उपचाररत रहेको बताउनुभयो ।
