काठमाडौं (अस) । नेपालका लागि बजाज मोटरसाइकलको अधिकृत वितरक हंसराज हुलासचन्द एन्ड कम्पनीले बर्दियाको गुलरियामा सुविधासम्पन्न ग्लोबल अटोमोटिभ्स प्रालि उद्घाटन गरेको छ । बजाज सेल्स, सर्भिस र स्पेयर्स पार्टस् देशभर उपलब्ध गराउने उद्देश्यले गुलरियामा सोरुम सञ्चालनमा ल्याइएको कम्पनीले बताएको छ ।
ग्लोबल अटोमोटिभ्सका प्रोप्राइटर चन्द्रदीप जोशीलाई डिलरसिप दिइएको कम्पनीले जनाएको छ । नयाँ सोरुम विस्तारपछि यस क्षेत्रका ग्राहकलाई बजाज बाइकको स्पेयर्स पार्टस् तथा एसेसरिज खरिदका लागि सहज हुने कम्पनीको विश्वास छ । ‘गुलरिया वरपरका सेवाग्राहीलाई बजाज मोटरसाइकल र स्पेयर्स पार्ट्स तथा बिक्रीपछिको सेवा उपलब्ध गराउन नयाँ सोरुम खोलेका हौं,’ कम्पनीका डाइरेक्टर अभिमन्यु गोल्छाले भने ।
