सरकारले आइतबार काठमाडौँ उपत्यकामा सार्वजनिक विदा दिने निर्णय गरेको छ। पुस १ गते बसेको मन्त्रिपरिषद्को बैठकले आइतवार दिन उधौली पर्व, योमरी पुन्ही- ज्यापु दिवस (धान्य पूर्णिमा) को अवसरमा देशभरका सम्बन्धित समुदायका लागि विदा र काठमाडौं उपत्यकामा सार्वजनिक बिदा दिने निर्णय गरेको हो ।गृह मन्त्रालयद्वारा जारी सूचनामा भनिएको छ '२०७८ पौष ४ गते आइतवारका दिन उधौली पर्व, योमरी पुन्ही- ज्यापु दिवस (धान्य पूर्णिमा) को अवसरमा देशभरका सम्बन्धित समुदायका लागि विदा र काठमाडौं उपत्यकामा सार्वजनिक बिदा दिने' नेपाल सरकार मन्त्रिपरिषदबाट मिति २०७८/०९/०१ गते निर्णय भएको हुँदा सम्बन्धित सबैको जानकारीको लागि यो सूचना प्रकाशित गरिएको छ ।'सरकारले काठमाडौँ उपत्यकामा सार्वजनिक विदा दिएसंगै आइतबार शेयर कारोबार समेत बन्द रहने भएको छ ।
