काठमाडौं (अस) । सिद्धार्थ बैंकले ललितपुर महानगरको मंगलबजारस्थित आदर्श कन्या निकेतन माध्यमिक विद्यालयलाई ६ थान कम्प्युटर सेट हस्तान्तरण गरेको छ । बैंकका वरिष्ठ प्रबन्धक प्रदीप पन्तले आदर्श कन्या निकेतन विद्यालयका प्रधानाध्यापक आनन्द ढुंगानालाई कम्प्युटर हस्तान्तरण गरे ।
बालिकाको शिक्षामा केन्द्रित भई स्थापना भएको विद्यालयले दिँदै आएको शिक्षा प्रणालीलाई थप गुणस्तरीय र प्रविधिमैत्री बनाउन उक्त कम्प्युटर सेट हस्तान्तरण गरिएको बैंकले बताएको छ ।
बैंकको संस्थागत सामाजिक उत्तरदायित्वअन्तर्गत हस्तान्तरण गरिएका कम्प्युटरबाट विद्यालयका करिब ३०० विद्यार्थीलाई गुणस्तरीय शिक्षाको अवसर पु¥याउने विश्वास बैंकले लिएको छ ।
