कांग्रेसको केन्द्रीय तहमा अहिले तीन पुस्ताको प्रतिनिधित्व छ । पहिलो पुस्तामा सभापति शेरबहादुर देउवा र वरिष्ठ नेता रामचन्द्र पौडेल छन् । विद्यार्थी राजनीतिदेखि नै समकालीन देउवा र पौडेलका उमेरमा दुई वर्षको अन्तर छ । नागरिकताअनुसार सभापति देउवा ७५ वर्ष र पौडेल ७७ वर्षका भए । पार्टीको नेतृत्व लिन देउवा र पौडेलबीच नै प्रतिस्पर्धा चल्नेछ वा पुस्तान्तरण हुनेछ भन्ने बहस यतिबेला कांग्रेसमा चलेको छ ।
