पहिलो पटक साढे दुई किलोग्राम युरोनियम सहित नेपालमा मानिस पक्राउ परेका छन्। ठूलो परिणाममा युरेनियम नै जफत भएको यो पहिलो घटना हो।
महानगरीय प्रहरी कार्यालय रानीपोखरीका प्रमुख आइजी हरिबहादुर पालका अनुसार युरेनियम - २३८ जफत भएको छ भने ४ जना पक्राउ परेका हुन्। पालका अनुसार जफत भएको युरेनियमको मूल्य ५ अर्ब रुपैयाँभन्दा बढी हुन आउँछ।
पक्राउ परेका अभियुक्तले बयानमा २० वर्ष अघि नै भारतको एउटा खानीबाट युरेनियम ल्याएको जनाएको प्रहरीको दावी छ। पक्राउ पर्नेमा ४० वर्षीय नारायण सिंह तामाङ, ४० वर्षकै जानुका तामाङ, २० वर्षीय प्रकाश चौहान र २० वर्षीय मनोज न्यौपाने रहेका छन्।
