इस्टर्न रेलवेको कोलकातास्थित मुख्यालयमा मार्च ०८, सोमबार राति लागेको आगलागीमा परी ९ जनाको मृत्यु भएको छ। सोमबार राति चार जना अग्निनियन्त्रकसहित ७ जनाको मृत्यु भएको थियो भने हराइरहेका २ जनाको शव आज बिहान भेटिएको थियो ।
सोमबार राति नै पश्चिम बंगालकी मुख्यमन्त्री ममता बनर्जी र कोलकाता प्रहरीका आयुक्त सौमेन मित्रा घटनास्थल पुगेका थिए । मुख्यमन्त्री बनर्जीले मृतकका परिवारलाई राहतस्वरुप जनही १० लाख रुपैयाँ दिने घोषणा गरेकी छिन् ।