काठमाडौं, ३ जेठ। क्रिस्टियानो रोनाल्डोले पेनाल्टीमा गोल गरेको खेलमा अल–नासरले मंगलबार राति साउदी प्रो लिगमा अल ताईलाई २–० ले हराएको छ। जितसँगै अल–नासरले उपाधि जित्ने सम्भावना पुनर्जीवित बनाएको छ। लिगको शीर्ष क्लब अल इत्तिहादले गए राति अल–हिलालसँग २–२ को बराबरी खेलेको थियो। योसँगै अल–नासरले शीर्ष क्लब अल-इत्तिहादसँगको दूरी तीन अंकमा छोट्ट्याएको छ। लिगमा अब तीन खेल मात्र बाँकी छ।
