हालसम्म २२ वटा बाणिज्य बैंकहरुले आर्थिक वर्ष ७७/७८ को मुनाफ बाट वितरण गर्ने लाभांश प्रस्ताव गरेका छन् । मङ्सिर २४ गते बिहान ११ बजे सम्ममा नेपाल स्टक एक्सचेन्जमा सुचिकृत २६ मध्ये २२ वटा वाणिज्य बैंकले लाभांश घोषणा गरेका हुन् । यी मध्ये सबैभन्दा धेरै लाभांश नबिल बैंकले गरेको छ भने सबै भन्दा कम प्रस्ताव नेपाल एसबिआई बैंकले गरेको छ । नबिल बैंकले ३३.६ प्रतिशत बोनस र ४.४ प्रतिशत नगद गरि कुल ३८ प्रतिशत लाभांश घोषणा गरेको छ भने नेपाल एसबिआइ बैंकले ३.५० प्रतिशत बोनस र १.८१ प्रतिशत नगद गरि कुल ५.३१ प्रतिशत लाभांश प्रस्ताव गरेको छ । नबिल बैंकपछि हिमालयन बैंकको लाभांश उच्च छ । हिमालयनले २१.३६ प्रतिशत बोनस र ४.६४ प्रतिशत नगद गरि कुल २६ प्रतिशत लाभांश घोषणा गरेको छ । त्यस्तै सानिमाले १७ प्रतिशत बोनस र ०.८९ प्रतिशत नगद गरि कुल १७.८९ प्रतिशत लाभांश घोषणा गरेको छ । त्यस्तै नेपाल बैंकले १४ प्रतिशत बोनस र ३ प्रतिशत नगद गरि १७ प्रतिशत ,र प्राइम बैंकले १६ प्रतिशत बोनस र ०.६३१३ प्रतिशत नगद गरि कुल १६.६३१३ प्रतिशत लाभांश प्रस्ताव गरेको छ । सिटिजन्स बैंकले १२.९१ प्रतिशत र ३.०९ प्रतिशत नगद गरि १६ प्रतिशत, नेपाल इन्भेष्टमेन्ट बैंकले १२.६१ प्रतिशत बोनस र ३.३९ प्रतिशत नगद गरि १६ प्रतिशत, तथा एनएमबि बैंकले १२.५ प्रतिशत बोनस र ३.३ प्रतिशत लाभांश गरि कुल १५.८ प्रतिशत लाभांश प्रस्ताव गरेको छ । त्यस्तै एनआईसी एसियाले १५ प्रतिशत बोनस र ०.७९ प्रतिशत नगद गरि कुल १५.७९ प्रतिशत लाभांश प्रस्ताव गरेको छ । नेपाल बंगलादेश बैंकले १२ प्रतिशत बोनस र ३.५० नगद गरि १५.५० प्रतिशत, सिद्धार्थ बैंकले १४.२५ प्रतिशत बोनस र ०.४५ प्रतिशत गरि १४.७० प्रतिशत, माछापुच्छ्रे बैंकले १२.२ प्रतिशत बोनस र ०.७० नगद गरि १४ प्रतिशत , बैंक अफ काठमाडौँले १० प्रतिशत बोनस र ४ प्रतिशत नगद गरि १४ प्रतिशत र ग्लोबल आईएमई बैंकले १० प्रतिशत बोनस र ३.५० प्रतिशत नगद गरि १३.५० प्रतिशत लाभांश प्रस्ताव गरेको छ । साथै स्ट्यान्डर्ड चार्टर्ड बैंकले १० प्रतिशत बोनस र ३.०६ प्रतिशत नगद गरि १३.०६ प्रतिशत लाभांश, प्रभु बैंकले १२ प्रतिशत बोनस र ०.६३ प्रतिशत नगद गरि १२.६३ प्रतिशत लाभांश, मेगा बैंकले १० प्रतिशत बोनस र २.०७ प्रतिशत नगद गरि कुल १२.०७ प्रतिशत लाभांश , लक्ष्मी बैंकले ८ प्रतिशत बोनस र ३.५ प्रतिशत नगद गरि ११.५ प्रतिशत, एभरेष्ट बैंकले ६ प्रतिशत बोनस र ४.३२ प्रतिशत नगद गरि कुल १०.३२ प्रतिशत लाभांश प्रस्ताव गरेको छ । कुमारी बैंकले ६ प्रतिशत बोनस र २.६७ प्रतिशत नगद गरि कुल ८.६७ प्रतिशत लाभांश घोषणा गरेको छ भने सनराइज बैंकले ६.६५ प्रतिशत बोनस र ०.३५ प्रतिशत नगद गरि ७ प्रतिशत लाभांश घोषणा गरेको छ । हालसम्मको कम लाभांश नेपाल एसबिआई बैंकले गरेको छ । नेपाल एसबिआईले ३.५० प्रतिशत बोनस र १.८१ प्रतिशत नगद गरि कुल ५.३१ प्रतिशत लाभांश प्रस्ताव गरेको हो ।हालसम्म घोषणा गरिएका २२ बैंकको औसत नगद लाभांश २.४८ प्रतिशत, औसत बोनस शेयर १२.५७६ प्रतिशत र कुल औसत लाभांश १५.०६२ प्रतिशत रहेको छ । अब कृषि विकास बैंक, सिभिल बैंक, सेन्चुरी बैंक, र एनसीसी बैंकको गरि कुल ४ वटा बैंकको लाभांश घोषणा हुन् बाँकि छ । सरकारी स्वामित्वको राष्ट्रिय वाणिज्य बैंकले पनि लाभांश घोषणा गरेको छैन।