तनहुँको व्यास नगरपालिका–४ स्थित दमौलीबजार मुख्यचोकको एक हार्डवेयर पसलको गोदाममा आज आगलागी भएको छ । भूपाल हार्डवेयर पसलको गोदाममा बिहान १० बजेदेखि आगलागी भएको हो । हार्डवेयर गोदाममा प्लाइउड, प्लास्टिकका सामान र रङ्ग भएकाले सल्केको आगो छिट्टै फैलिएको छ । आगलागी नियन्त्रणको प्रयास भइरहेपनि आगो नियन्त्रणमा आउन सकेको छैन । आगलागीका कारण सात वटा घर जलेर नष्ट भएको छ । आगो नियन्त्रणको लागि चितवन, लमजुङ, पोखरालगायत ठाउँबाट दमकल मगाईएको छ । त्यस्तै आगो निभाउन काठमाण्डौबाट पानीसहित सिम्रिक एयरको हेलिकप्टर पनि पुगेको छ । आगोलाई फैलनबाट रोक्न डोजरले घर भत्काउने काम पनि भइरहेको छ । के कारणले आगो लागो भन्ने थाहा हुन नसकेको प्रहरीले जनाएको छ ।
