कञ्चनपुर : कञ्चनपुरको बेलौरी नगरपालिकाको वडा नम्बर २ मा नेकपा एमालेका कुलबीर चौधरीले जितलाई निरन्तरता दिएका छन्। अघिल्लो निर्वाचनमा पनि वडा अध्यक्ष निर्वाचित उनी यस पटक फेरि वडाध्यक्ष भएका छन्।अध्यक्षमा चौधरीले १ हजार २१ मत ल्याएका छन्। उनका निकटतम प्रतिद्वन्द्वी माओवादी केन्द्रका झकबहादुर सिरिसले ९२५ मत ल्याएका छन्। यस वडामा काँग्रेसका राजबहादुर चौधरीले ५ सय ३१ मत ल्याएका छन्।बेलौरी नगरपालिका वडा नम्बर १ र १० को वडा अध्यक्षमा माओवादी केन्द्रका उम्मेदवार निर्वाचित भएका छन्।
