भारतको केन्द्र सरकारले ल्याएका तीन नयाँ कृषि कानूनविरुद्ध आन्दोलनरत किसानहरूले मंगलवार गणतन्त्र दिवसको अवसरमा प्रहरीसँग हिंसक झडप गरिरहेका छन् ।
किसानहरूले अनेकौं स्थानमा ब्यारिकेडहरू तोडेर दिल्लीमा प्रवेश गर्ने क्रममा प्रहरीले रोक्न लाठीचार्ज गरेको छ ।
त्यसक्रममा रिसाएका एक किसानले तरवार उज्याउँदै प्रहरी जवानहरूलाई दौडाएका छन् ।
अक्षरधाम मन्दिर नजिक प्रहरीले किसानमाथि अश्रूग्यास प्रहार गर्दै लाठीचार्ज समेत गरेपछि रिसाएका एक किसानले तरवार नचाए अनि प्रहरीहरूलाई पछि हट्न बाध्य बनाए ।
...
