एजेन्सी। भारतले टीकटकमाथि लगाएको प्रतिबन्ध छिट्टै हटाउने विश्वास टीकटकले व्यक्त गरेको छ। भारत र चीनबीच सीमा विवाद बढेपछि सन्२०२० जुन २९का दिन भारतले चर्चित चिनियाँ छोटो भिडियो एप टीकटकमाथि प्रतिबन्ध लगाएको थियो। भारत सरकारको नयाँ आइटी नियम पालना गर्ने जनाएपछि टीकटकमाथिको प्रतिबन्ध हटाउने प्रक्रिया अघि बढेको जनाइएको छ। यसको लागि टीकटकका प्रतिनिधिले निरन्तर भारतको आइटी मन्त्रालयका पदाधिकारीसँग छलफल गरिरहेका छन्।
