काठमाडौं (अस) । नेपाल–बंगलादेश बैंकले कास्कीको पोखरा महानगरपालिका–३० खुदी ढुंगेपाटनमा विस्तारित सेवा केन्द्र सञ्चालनमा ल्याएको छ । उक्त सेवा केन्द्रको उद्घाटन पोखरा महानगर–३० का वडाध्यक्ष श्रीराम पोखरेलले गरे ।
पोखरा महानगरमा खोलिएको विस्तारित सेवा केन्द्रले महानगरपालिकाको वडा नम्बर २९, ३०, ३१, ३२ तथा ३३ मा वित्तीय पहुँच पुर्याउने बैंकले बताएको छ ।
सेवा केन्द्र पोखरा विश्वविद्यालय हाता नजिकै रहेकाले त्यहाँ अध्ययनरत विद्यार्थी तथा शिक्षक पनि लाभान्वित हुने विश्वास बैंकको छ ।
सेवा केन्द्रबाट यस भेगमा छरिएर रहेको पुँजीलाई एकीकृत गर्न सघाउ पुग्नुका साथै विदेशबाट प्राप्त हुने रेमिट्यान्स सोझै बैंक खातामा जम्मा गर्न सकिनेछ ।
सामाजिक सुरक्षा भत्तालगायत सरकारबाट बैंकिङ प्रणालीमार्फत प्राप्त हुने सम्पूर्ण सेवा सेवा केन्द्रबाट उपलब्ध हुने बैंकले जनाएको छ । हाल बैंकले १०० शाखा, ८ एक्सटेन्सन काउन्टर तथा ८१ वटा एटीएमबाट बैंकिङ सुविधा दिँदै आएको छ ।
.JPG)