न्युजिल्याण्ड क्रिकेट टोलि विश्व टेष्ट च्याम्पियनशीपको फाइनलमा स्थान सुनिश्चित गरेको छ । यसैवर्षको जुन महिनामा लर्ड्स क्रिकेट ग्राउन्डमा विश्व टेष्ट च्याम्पियनशीपको फाइनल हुँदैछ । फाइनल खेल जुन १८ देखि २२ सम्म हुनेछ ।
दक्षिण अफ्रिका र अष्ट्रेलियाबीचको टेष्ट श्रृखंला स्थगित भएपछि विश्व टेष्ट च्याम्पियनशीपमा पुग्ने न्युजिल्याण्ड पहिलो टोलि बन्न पुगेको छ । न्युजिल्याण्ड हाल अन्तर्राष्ट्रिय क्रिकेट काउन्सिल(आईसीसी) विश्व टेष्ट च्याम्पियनशीप तालिकाको दोस्रो स्थानमा छ । तर अङ्क प्रतिशतको आधारमा ऊ फाइनलको लागि स्थान सुनिश्चित गरेको हो । फाइनलमा न्युजिल्याण्डले भारत, इंग्ल्याण्ड वा अष्ट्रेलिया मध्ये कुनै एक टोलिको सामना गर्नेछ ।
