२०४६ सालको परिवर्तनपछि भएका निर्वाचनमा नेपाली कांग्रेसका औलामा गन्न सकिने नेताहरूले मात्र लगातार विजय हासिल गर्दै आएका छन् । तिनैमा पर्छन्– कांग्रेसका वरिष्ठ नेता रामचन्द्र पौडेल।
अहिले तनहुँ निर्वाचन क्षेत्र नम्बर १ बाट प्रतिनिधिसभा सदस्य उम्मेदवार पौडेलले यसअघि साबिक तनहँु १ बाट २०४८ तथा तनहुँ २ बाट २०५१, २०५४, २०६४ र २०७० सालको निर्वाचनमा लगातार जित हात पारेका थिए । राजनीतिमार्फत निरन्तर समाजसेवामा लाग्दै आएका पौडेल यसपटक पनि चुनाव जित्नेमा आशावादी छन्।
