लालबाबुको प्रश्न : गठबन्धनको गाँठागुठी नमिलेर चुनावको मिति घोषणा नगरेको हो ?

नेकपा एमालेले चुनावको मिति किन घोषणा नगरेको ? भनेर संसदमार्फत सरकारलाई प्रश्न गरेको छ ।  आइतबारको प्रतिनिधिसभा बैठकमा बोल्दै एमाले सांसद लालबाबु पण्डितले यस्तो प्रश्न गरेका हुन् । ‘गठबन्धन सरकारले निर्वाचनको मिति घोषणा गर्न किन ढिलाई गरिरहेको छ ?’, पण्डितको प्रश्न छ । उनले सभामुखमार्फत सरकारलाई प्रश्न गरे, ‘गठबन्धनको गाँठागुठी नमिलेर हो कि आशीर्वाद लिन गएको ठाउँबाट आशीर्वाद नपाएर हो कि ? या चुनाव नगराउने मनसायले गठबन्धन लामो समय टिकाउन हो जनता चाहान्छन् ?’