काठमाडौं। सरकारले आगामी आर्थिक वर्षमा नागढुंगा-नौबीसे सुरुङ मार्गबाहेक थप तीन सुरुङको निर्माण थाल्ने भएको छ। सरकारले सिद्धबाबा, लामाबगर र धरान-लेउती सुरुङलाई आगामी वर्ष निर्माण सुरु गर्ने भएको हो। यसमध्ये सिद्धबाबाको टेण्डर आह्वान भइसकेको छ, लामाबगरको टेण्डर प्रक्रियामा छ र धरानको सुरुङको निर्माणसमेत अगाडि बढाइने भएको छ। बाँकी ९ सुरुङको सम्भाव्यता अध्ययन गर्ने बताइएको छ।
