काठमाडौं । धितोपत्रको दोस्रो बजार नेपाल स्टक एक्सचेन्ज लिमिटेडमा (नेप्से) मा होटल तथा पर्यटन समूहका ६ कम्पनी सूचीकृत छन् । तीमध्ये पाँच कम्पनीकोे चालू आर्थिक वर्ष (आव) को दोस्रो त्रैमाससम्मको खुद नाफा अघिल्लो वर्षको सोही अवधिको तुलनामा बढेको छ । सोल्टी होटल, तारागाउँ रिजेन्सी होटल्स, चन्द्रागिरि हिल्स लिमिटेड, ओरियण्टल होटल्स लिमिटेड र कालिञ्चोक दर्शनको खुद नाफा बढेको हो ।
सिटी होटल भने चालू आवको दोस्रो त्रैमाससम्ममा ११ करोड ७९ लाख रुपैयाँ घाटामा छ । गत आवको दोस्रो त्रैमासमा पनि सिटी होटेल १३ करोड २४ लाख रुपैयाँ घाटामा थियो । अघिल्लो वर्षको तुलनामा सिटी होटलको घाटा यसपालि कम छ ।
कोरोना कम भएसँगै पर्यटक आगमन बढ्दा होटेल तथा पर्यटन समूहको नाफा बढेको हो । नेपाल पर्यटन बोर्डको तथ्यांकअनुुसार सन् २०२३ मा १० लाख १४ हजार ८७६ विदेशी पर्यटक हवाई मार्गबाट नेपाल भित्रिएका छन् । यो सन् २०२२ को तुलनामा ४ लाखले बढी हो । नेप्सेमा सूचीकृत होटल तथा पर्यटन समूहका कम्पनीमध्ये सबैभन्दा बढी सोल्टी होटलले २६ करोड ३१ लाख रुपैयाँ नाफा कमाएको छ ।
यो नाफा गत आवको दोस्रो त्रैमासको तुलनामा ४ दशमलव ६४ प्रतिशतले बढी हो । सोल्टीले चालू वर्षको दोस्रो त्रैमाससम्ममा १ अर्ब ५ करोड रुपैयाँभन्दा बढी आम्दानी गरेको छ । गत आवमा यो होटेलको आम्दानी ९६ करोड १ लाख रुपैयाँ थियो । पछिल्लो समय विदेशी पर्यटकको आगमन बढ्दा आम्दानी बढेको
होटेलले सार्वजनिक गरेको वित्तीय विवरणमा उल्लेख छ ।
सबैभन्दा बढी तारागाउँ रिजेन्सी होटल्सको नाफा गत आवको दोस्रो त्रैमासको तुलनामा ७१ प्रतिशत बढेको छ । गतवर्ष दोस्रो त्रैमासमा १० करोड ६१ लाख नाफा कमाएको तारागाउँले यो वर्षको सोही अवधिमा नाफा १८ करोड १६ लाख रुपैयाँ पुर्याएको छ । गत साउनदेखि पुससम्ममा तारागाउँले ६३ करोड ८५ लाख आम्दानी गरेको देखिन्छ ।
त्यस्तै ओरियन्टल होटल्सको नाफा गत आवको दोस्रो त्रैमासको तुलनामा यसपालि ४६ दशमलव २४ प्रतिशत बढेको छ । ओरियन्टलले गतवर्ष दोस्रो त्रैमाससम्ममा ३ करोड ६५ लाख नाफा कमाएकोमा यसपालि बढाएर ५ करोड ३४ लाख रुपैयाँ पुर्याएको हो । यसले चालू वर्षको दोस्रो त्रैमाससम्ममा ५६ करोड १ लाख आम्दानी गरेको देखिन्छ ।
त्यस्तै चन्द्रागिरि हिल्स लिमिटेडको दोस्रो त्रैमाससम्मको नाफा ६ करोड २८ लाख रुपैयाँ पुगेको छ । यो नाफा गतवर्षको सोही अवधिको तुलनामा २२ प्रतिशतले बढी हो । गतवर्ष कम्पनीको दोस्रो त्रैमाससम्मको नाफा ५ करोड १४ लाख रुपैयाँ थियो । चन्द्रागिरिले गत साउनदेखि पुससम्ममा ४५ करोड ७५ लाख आम्दानी गरेको छ ।
त्यस्तै कालिञ्चोक दर्शन लिमिटेड गत आवको दोस्रो त्रैमाससम्ममा ६० लाख ४७ हजार रुपैयाँ नाफामा रहेकोमा चालू आर्थिक वर्षको दोस्रो त्रैमाससम्ममा ६४ लाख ३४ हजार रुपैयाँ नाफामा छ । यस कम्पनीको आम्दानी बढेकाले नाफा माथि गएको हो । कालिञ्चोक दर्शनले गत साउन–पुसमा ३ करोड ४३ लाख रुपैयाँ आम्दानी गरेको छ ।
काठमाडौं । नेपाल स्टक एक्सचेञ्ज (नेप्से)ले सूचीकृत कम्पनीहरूलाई नवीकरण शुल्क बुझाउन अनुरोध गरेको छ । नेप्सेले आर्थिक वर्ष २०८०/८१ को धितोपत्रको वार्षिक नविकरण शुल्क बुझाउन आग्रह गरेको हो ।
नेप्सेमा सूचीकृत कम्पनीहरूले धितोपत्र सूचीकरण विनियमावली, २०७५ को अनुसूची ३ (क) र (ख) भएको व्यवस्था अनुसार आर्थिक वर्ष २०८०/८१ को धितोपत्रको वार्षिक नविकरण शुल्क बुझाउन नेप्सेले अनुरोध गरेको हो ।
सूचीकृत कम्पनीहरूले असोज मसान्तसम्म उक्त वार्षिक नवीकरण शुल्क बुझाउनुपर्नेछ । तोकिएको समयभित्र नविकरण शुल्क नबुझाएमा शुल्कको वार्षिक १० प्रतिशतका दरले जरिवाना लाग्ने साथै धितोपत्र सूचीकरण स्थगन गर्न सकिने नेप्सेले जनाएको छ ।
नेप्सेमा सूचीकृत कम्पनीहरूमध्ये ५० करोड रुपैयाँसम्मको चुक्ता पूँजी भएकाले वार्षिक ५० हजार नवीकरण शुल्क तिर्नुपर्छ । ५० करोड रुपैयाँभन्दा बढी चुक्ता पूँजी भएका कम्पनीले भने वार्षिक १ लाख रुपैयाँ नवीकरण शुल्क बुझाउनुपर्ने प्रावधान छ ।
त्यस्तै डिबेन्चर र म्युचुअल फण्डहरूले आकारको हिसाबले ५० करोड रुपैयाँसम्म चुक्ता पूँजी भएकाले वार्षिक २५ हजार रुपैयाँ र ५० करोड रुपैयाँभन्दा बढी चुक्ता पूँजी भएकाले वार्षिक ५० हजार रुपैयाँ नवीकरण शुल्क बुझाउनुपर्छ ।
काठमाडौं । नेप्सेमा सूचीकृत ३५ बन्दमुखी र ७ खुलामुखी गरी जम्मा ४२ वटा म्युचुअल फन्डहरुले जेठ महिनाको वित्तीय विवरण सार्वजनिक गरेका छन् । यसअवधिसम्म आइपुग्दा फन्डहरुले १ अर्ब ४४ करोड ९ लाख रुपैयाँ नाफा आर्जन गरेका छन् । अघिल्लो महिना यिनीहरुले १ अर्ब १८ करोड ५२ लाख रुपैयाँ नोक्सानी व्यहोरेका थिए । जेठ महिना सेयर […]
२७ असोज, काठमाडौं । नेपाल स्टक एक्सचेञ्ज (नेप्से) मा पिपुल्स पावर कम्पनीको सेयर सूचीकृत भएको छ । कम्पनीको प्रतिकित्ता १०० रुपैयाँ अंकित मूल्यका ६३ करोड २६ लाख रुपैयाँ बराबरको ६३ लाख २६ हजार कित्ता सेयर …
काठमाडौं, भदौ ८। नेपाल स्टक एक्सचेन्ज (नेप्से) मा सूचीकृत भएका १८ निर्जीवन बीमा कम्पनीहरूले गत आर्थिक वर्ष (आव) २०७७/७८ मा चार अर्ब ६२ करोड २२ लाख रुपैयाँ खुद नाफा कमाएका छन् । हाल नेपालमा २० निर्जीवन बीमा कम्पनी सञ्चालनमा छन्, तीमध्ये नेप्सेमा सूचीकृत निर्जीवन बीमा कम्पनीहरूले त्यो बराबरको नाफा कमाएका हुन् । बीमा कम्पनीहरूले हालै […]
काठमाडौं । नेपाल स्टक एक्सचेन्ज (नेप्से) मा सूचीकृत भएका १८ निर्जीवन बीमा कम्पनीहरूले गत आर्थिक वर्ष (आव) २०७७/७८ मा रू. ४ अर्ब ६२ करोड २२ लाख रुपैयाँ खुद नाफा कमाएका छन् । हाल नेपालमा २० निर्जीवन बीमा कम्पनी सञ्चालनमा छन्, तीमध्ये नेप्सेमा सूचीकृत निर्जीवन बीमा कम्पनीहरूले त्यो बराबरको नाफा कमाएका हुन् ।
बीमा कम्पनीहरूले हालै सार्वजनिक गरेको गत आवको चौथो त्रैमासिक वित्तीय विवरणले यस्तो देखाएको हो । वित्तीय विवरणअनुसार गत आवमा बीमा कम्पनीहरूको नाफा औसत्मा ७ दशमलव ३३ प्रतिशतले बढेको छ ।
अघिल्लो आवको तुलनामा बीमा कम्पनीहरूको नाफा बढे पनि वृद्धिदर भने खुम्चिएको छ । अघिल्लो आवमा कम्पनीहरूको नाफा १२ दशमलव ४१ प्रतिशतले बढेको थियो । तर, यसपटक भने नाफा वृद्धिदर खुम्चिएर ७ दशमलव ३३ प्रतिशतमा सीमित भएको छ ।
भारतीय स्वामित्वको नेशनल इन्स्योरेन्स र दि ओरियन्टल इन्स्योरेन्स भने नेप्सेमा सूचीकृत भएका छैनन् । साथै, उनीहरूले वित्तीय विवरण पनि सार्वजनिक गरेका छैनन् ।
कोरोना महामारीका कारण बीमा व्यवसाय प्रभावित हुँदा नाफा वृद्धिदर खुम्चिएको कम्पनीहरूको भनाइ छ । कोरोना महामारीका बीच नाफा बढ्नुलाई नै सकारात्मक रूपमा लिनुपर्ने उनीहरू बताउँछन् ।
गत आवमा व्यवसाय सञ्चालनबाट त्यति नाफा कमाउन नसकिएको एनएलजी इन्स्योरेन्सका प्रमुख कार्यकारी अधिकृत (सीईओ) सुनीलवल्लभ पन्तले बताए । शेयर कारोबारबाट नाफा बढ्न सहयोग पुगेको उनको भनाइ छ ।
‘गत आवमा सञ्चालन नाफामा त्यति वृद्धि छैन । कम्पनीहरूले शेयर कारोबारबाट आम्दानी गर्दा कुल नाफामा वृद्धि देखिएको हो,’ उनले भने । बीमांकीय मूल्यांकनपछि भने कम्पनीहरूको नाफा थप बढ्ने बताइएको छ ।
यसपालि नाफा कमाउने मामलामा नेको इस्योरेन्स अग्र स्थानमा आएको छ । उक्त कम्पनीले रू. ५४ करोड ६ लाख खुद नाफा कमाएर आफूलाई पहिलो स्थानमा ल्याएको छ । नाफा कमाउने मामलामा अघिल्लो आवमा राष्ट्रिय बीमा कम्पनी पहिलो नम्बरमा रहेको थियो ।
यस्तै, नाफा कमाउने मामिलामा शिखर इन्स्योरेन्स दोस्रो नम्बरमा आएको छ । उक्त कम्पनीले रू. ४७ करोड ५७ लाख नाफा कमाएको छ । तेस्रो स्थानमा रहेको सगरमाथाले भने रू. ४५ करोड १५ लाख नाफा कमाएको छ ।
एसियनको नाफा ४ करोड २१ लाख आर्थिक वर्ष ०७३-७४ को चौथो त्रैमासमा एसियन लाइफ इन्स्योरेन्स कम्पनीले ४ करोड २१ लाख रुपैयाँ खुद नाफा आर्जन गरेको छ । यो अघिल्लो आर्थिक...पूरा पढ्नुहोस् »
_002218.png)
