२४ प्रकारका औषधी फुकुवा

भारत सरकारले सिटामोलबाहेकका २४ प्रकारका औषधि र त्यसको कच्चा पदार्थको निर्यात फुकुवा गरेको छ । विदेश व्यापार महानिर्देशनालयले सोमबार एक सूचना जारी गर्दै २४ प्रकारका औषधि र तिनको कच्चा पदार्थ निर्यातमा प्रतिबन्ध फुकुवा गरेको हो । विदेश व्यापार महानिर्देशनालयले सूचना जारी गर्दै टिनिडाजोल, मेट्रोनिडाजोल, भिटामिन बी–१, भिटामिन बी–६, भिटामिन बी–१२, ओरनिडाजोल, नियोमाइसिन, क्लोरामफेनिकल, इरिथ्रोमाइसिनलगायत २४ वटा औषधिहरुको निर्यातमा लगाइएको प्रतिबन्ध फुकुवा गरिएको जानकारी दिएको हो । बाणिज्य तथा आपूर्ति सचिव डा. बैकुण्ठ अर्यालले औषधि र यसका कच्चा पदार्थ निर्यात गर्ने भारत सरकारको निर्णय नोटिसमा आएको जानकारी दिए ।