पहिरोले अवरूद्द भएको कर्णाली राजमार्ग खुलेको छ । जुम्लाको रारालिही र नाग्म बिचमा ढुंगा खसेपछि अवरुद्ध भएको राजमार्ग डिभिजन सड्क कार्यालय जुम्लाका ईन्जिनियर , प्राविधिक र सुरक्षा निकायको टोलीले दिनभर लगाएर बाटो खुलाएको छ ।
प्रमुख जिल्ला अधिकारी भुपेन्द्र थापाका अनुसार बाटो खुलाइएको छ । सडक अवरूद्द भएपछि प्रजिअ थापा, जिल्ला समन्वय उपप्रमुख कार्मा बुढा सहित सुरक्षा निकाय प्रमुखहरू अवरूद्द सडक खोल्न खटिएका थिए । दिनभर लगाएर ढुंगा फोरेर बाटो खुलाईएको प्रजिअ थापाले जानकारी दिनुभयो ।
