कञ्चनपुर कांग्रेसमा जिल्ला अधिवेशनका लागि संस्थापन पक्षकै दुई गुट भिडेका छन् । संस्थापन पक्षका केन्द्रीय सदस्यद्वय रमेश लेखक र एनपी साउदले छुट्टाछुट्टै प्यानल बनाएका हुन् । शनिबार मतदान हुने कार्यक्रम छ । जिल्ला सभापतिका लागि पदम बोगटी र बहादुरसिंह थापाले उम्मेदवारी दिएका छन् । बोगटी लेखकनिकट हुन् भने थापा साउद प्यानलका हुन् । साउदलाई अर्का नेता दिवान बिष्टले पनि साथ दिएका छन् ।
