काठमाडौं । विदेशिएका नेपालीको कथामा आधारित गीत ‘सुन साहिँली’ निर्माण गरेको टिमले अर्को मर्मस्पर्सी गीत ‘लाहुरे’ सार्वजनिक गरेको छ । नायक गौरभ पहारीको जन्मदिनको अवसर पारेर म्युजिक भिडिओ ‘लाहुरे’ सार्वजनिक भएको हो ।
गायक तथा संगीतकार चन्द्र सिंह घलेको शब्द, संगीत तथा चन्द्र सिंह घले र रानी शाक्यको स्वर रहेको ‘लाहुरे’मा गौरभ र लक्ष्मी बर्देवाको हृदयस्पर्सी अभिनय रहेको छ । मनमा धेरै रहर मारेर विदेश गएका युवाहरुको कथालाई ‘लाहुरे’ को भिडिओमा समेटिएको छ ।
एसियन म्युजिकले निर्माण गरेको भिडिओलाई काश्यप निशानले निर्देशन गरेका हुन् । उत्सव दाहालको सिनेमाटोग्राफी र भावना थापा सह निर्देशन रहेको भिडिओलाई एसियन म्युजिकको युट्युब च्यानलबाट शुक्रबार सार्वजनिक गरिएको हो ।
