काठमाडौं । आरम्भ चौतारी लघुवित्त वित्तीय संस्था लिमिटेडले चालू आर्थिक वर्षको दोस्रो त्रैमासिक वित्तीय विवरण सार्वजनिक गरेको छ ।
विवरणअनुसार कम्पनीको खुद नाफा गत आवको दोस्रो त्रैमासको तुलनामा चालू आवको सोही अवधिमा ५२ प्रतिशत घटेको छ । गत आवमा कम्पनीले रू. ४ करोड ३५ लाख नाफा कमाएकोमा चालू आवमा रू. २ करोड ६ लाखमा सीमित भएको छ ।
चालू आवमा कम्पनीको खुद ब्याज आम्दानी र सञ्चालन नाफा घटेको छ । गत आवको तुलनामा चालू आवमा कम्पनीको खुद ब्याज आम्दानी २२ प्रतिशत र सञ्चालन नाफा ६६ प्रतिशत घटेको छ ।
चुक्तापूँजी रू. ३६ करोड ७६ लाख रहेको कम्पनीले चालू आवको दोस्रो त्रैमाससम्म जगेडामा रू. १२ करोड ७६ लाख सञ्चित गरेको छ । त्यस्तै कम्पनीले रू. ३ अर्ब ४ करोड सापटी र रू. १ अर्ब ६६ करोड निक्षेप संकलन गरेर रू. ५ अर्ब ५ करोडभन्दा बढी कर्जा लगानी गरेको छ ।
कम्पनीको प्रतिशेयर आम्दानी रू. ११ दशमलव २४ (वार्षिकीकरण), मूल्य आम्दानी अनुपात ७१ दशमलव ३१ गुणा, तरलता अनुपात ४ दशमलव १० प्रतिशत र प्रतिशेयर नेटवर्थ रू. १२४ दशमलव ८२ रहेको छ ।
रिर्पोट हेर्न यहाँ क्लिक गर्नुहोस
.jpg)
