काठमाण्डाै – पाेखरामा दुर्घटना भएकाे यति एअरलाइन्सको विमानको निर्माता कम्पनी एटीआरले दुर्घटनाको अनुसन्धानमा पूर्ण सहयोग हुने जनाएको छ ।
नेपालमा एटीआर ७२–५०० विमान दुर्घटनाको खबर प्राप्त गरेको भन्दै एटीआरले पहिलो प्राथमिकता दुर्घटना प्रभावितहरूसँग रहेको र विशेषज्ञसहित अनुसन्धानमा पूर्ण सहयोग रहने जनाएको छ ।
आज आइतवार काठमाण्डौबाट पोखराका लागि उडेको यति एअरलाइन्सको एटीआर जहाज पोखराको सेती खोँचमा खसेर दुर्घटना भएको छ । अहिलेसम्म ४० जनाभन्दा धेरैको शव निकालिएको प्रहरीले जनाएको छ ।
