काठमाडौं (अस) । जापान अन्तरराष्ट्रिय सहयोग निकाय (जाइका)ले नेपाल सरकारलाई २ अर्ब ५४ करोड येन सहायता उपलब्ध गराएको छ । उक्त अनुदानसम्बन्धी सम्झौतापत्रमा बिहीवार काठमाडौंमा नेपाल सरकार र जाइकाबीच सम्झौता भएको छ । यो रकम विराटनगर महानगर क्षेत्रमा जल आपूर्तिको स्तरोन्नति र विस्तारमा खर्च गरिनेछ । घना बसोवास भएको औद्योगिक क्षेत्र र प्रदेश नम्बर १ को राजधानी भए पनि विराटनगरमा पानीको न्यून उपलब्धता र जीर्ण पाइपलाइनका कारण पिउने पानी उपलब्धता पर्याप्त छैन । विराटनगर शहरका करीब १ लाख मानिसलाई स्वच्छ पानीमा पर्याप्त पहुँच सुनिश्चित गर्ने यस परियोजनाको लक्ष्य छ ।
